A tempada 2016-17 da NBA foi a 71ª na historia da National Basketball Association (NBA). A tempada regular comezou o 25 de outubro de 2016, e rematou o 12 de abril de 2017. O All-Star Game da NBA de 2017 disputouse o 19 de febreiro de 2017 no Smoothie King Center de Nova Orleáns. Os Playoffs comezaron o 15 de abril de 2017 e remataron o 12 de xuño de 2017 coa disputa do quinto partido das Finais da NBA entre os Cleveland Cavaliers e os Golden State Warriors, que tiveron coma campión ós Warriors por 4-1.